А кој друг би можел да состави речиси официјални информации за уредот кој би требало да пристигне во септември, ако не двојката составена од најновата бета верзија на iOS 12 и Guilherme Rambo?
Очигледно, тоа и не се така нови вести, бидејќи во изминатата половина година Kuo и Gurman пробуваат да се надминат еден со друг, откривајќи информации за презентацијата во септември. Меѓутоа, iOS 12 бета е сепак нешто што е лансирано од Apple и ако содржи било какви детали за претстојниот уред, тоа е многу поофицијален извор од нешто што некој видел или слушнал.
Заслугите за најновото откритие се на Guilherme Rambo, кој минатата година ги откри информациите за iPhone X, на ист начин. Еве ја официјалната објава на Twitter која тврди дека ја прикажува шематската слика на iPhone X Plus. Како и да е, уредот изгледа исто како и годинашниот iPhone X, само што е малку подолг.
I’m having dejavu. Payment glyphs for “iPhone X Plus”, iPhone X (for comparison) and 2018 iPad Pro (which is square and weird). Found in PassKitUIFoundation. pic.twitter.com/H13448oYr8
— Guilherme Rambo (@_inside) August 3, 2018
Rambo исто така пронајде икона за iPad Pro, која е во форма на квадрат, како иконата на Apple Watch. Подоцна откри дека причината на аномалијата би можело да биде тоа дека чудната икона ги прикажува двете големини на iPad измешани заедно.
BINGO. One asset for both iPad sizes, that’s why the glyph is originally square. https://t.co/YMRGoWc1Qs
— Guilherme Rambo (@_inside) August 3, 2018
Моментната бета верзија на iOS 12 откри многу работи. Ни обелодени за новото куќиште за полнење на AirPods, Dual-SIM iPhone и HomePod со изворна функција за повици, а да не споменуваме колку дознавме за екраните на новите iPad уреди, кои се многу слични на iPhone X Plus.
Извор: The Verge
